لاہور:(ویب ڈیسک ) سوشل میڈیا سائٹ ٹوئٹر میں تقریبا روزانہ کی بنیاد پر نئی تبدیلیاں کی جارہی ہیں ،حال ہی میں ایسی ہی ایک خاموش تبدیلی کی تصدیق اب ایلون مسک نے کی ہے۔
ایلون مسک کی ملکیت میں جانے کے بعد سے ٹوئٹر میں 8 ڈالرز ماہانہ فیس کے عوض بلیو ٹک اور دیگر تبدیلیاں اب تک کی جاچکی ہیں اور ایلون مسک کی طرف سے سوشل میڈیا پلیٹ فارم میں کی جانے والی تبدیلیوں سے صارفین کو آگاہ بھی کیا جاتا رہتا ہے۔
ٹوئٹر میں اب تک ویب، اینڈرائیڈ یا آئی فون سے ٹوئٹ کیے جانے صارفین کو علم ہوجاتا تھا کہ یہ ٹوئٹ کس ذریعے سے کی گئی ، تاہم اب ٹوئٹر میں ڈیوائس لیبل نامی اس فیچر کو ختم کردیا گیا ہے۔
ایک ٹوئٹ میں اس بارے میں بتایا گیا تھا جس پر ایلون مسک نے جواب دیتے ہوئے تصدیق کردی ، ٹوئٹر میں اب ٹوئٹ کرنے پر دیگر افراد کو علم نہیں ہوسکے گا کہ یہ میسج اینڈرائیڈ، آئی فون یا ویب کہاں سے پوسٹ کیا گیا۔
Hallelujah!! https://t.co/i2FyvXPIHO
— Elon Musk (@elonmusk) December 18, 2022
خیال رہے کہ یہ فیچر اینڈرائیڈ فونز بنانے والی کمپنیوں کے لیے اکثر شرمندگی کا باعث بنتا تھا جو اپنے فون کی تشہیر کے لیے آئی فون سے ٹوئٹ کرتی تھیں۔
اس سے قبل ایلون مسک نے اعلان کیا تھا کہ ٹوئٹر میں میوٹ اور بلاک سگنلز کو بلیو ویری فائیڈ کے لیے ضم کیا جارہا ہے۔
