کیلی فورنیا : ( ویب ڈیسک ) سماجی رابطے کی ویب سائٹ ٹوئٹر نے کئی سالوں سے غیر فعال اکاؤنٹس کو ہٹانا شروع کر دیا۔
سوشل میڈیا پلیٹ فارم کے چیف ایگزیکٹو آفیسر ( سی ای او ) ایلون مسک نے گزشتہ روز ایک ٹویٹ میں کہا کہ ٹوئٹر ان اکاؤنٹس کو ہٹا دے گا جو کئی سالوں سے غیر فعال ہیں۔
We’re purging accounts that have had no activity at all for several years, so you will probably see follower count drop
— Elon Musk (@elonmusk) May 8, 2023
مسک نے مزید کہا کہ مائیکرو بلاگنگ پلیٹ فارم پر صارفین اپنے فالوورز کی تعداد میں کمی دیکھ سکتے ہیں۔
ٹوئٹر کی پالیسی کے مطابق صارفین کو ہر 30 دن میں کم از کم ایک بار اپنے اکاؤنٹ میں لاگ ان کرنا چاہیے تاکہ طویل عرصے تک غیرفعالیت کی وجہ سے مستقل طور پر ہٹائے جانے سے بچا جا سکے۔
یاد رہے کہ ٹوئٹر نے گزشتہ ماہ مشہور شخصیات، صحافیوں اور ممتاز سیاستدانوں سمیت ہزاروں لوگوں کے پروفائل سے تصدیق شدہ بلیو ٹک ہٹا دیا تھا۔
مسک نے اکاؤنٹ کی تصدیق کو ٹویٹر کی بلیو سبسکرپشن کا ایک حصہ بنایا ہے اور ان کے مطابق اس اقدام سے سوشل میڈیا پلیٹ فارم پر بوٹ اکاؤنٹس کے مسئلے سے نمٹا جائے گا۔
