واشنگٹن: (روزنامہ دنیا) مائیکروسوفٹ کے بانی بل گیٹس نے سابقہ بیوی میلنڈا کو دوبارہ شریک حیات بنانے کی خواہش کا اظہار کر دیا۔
میڈیا رپورٹ کے مطابق ایک انٹرویو میں بل گیٹس نے کہا کہ زندگی کے 2 سال ان کیلئے ڈرامائی موڑ کے حامل ہیں، ایک موڑ عالمی وبا اور دوسرا طلاق ہے مگر سب سے عجیب موڑ بچوں کا گھر چھوڑنا ہے۔انہوں نے کہا کہ شادی کے بعد زندگی میں کئی تبدیلیاں آتی ہیں، بچے بڑے ہو کر خاندان سے علیحدہ ہو جاتے ہیں، میری زندگی میں بڑی تبدیلی طلاق کی صورت میں آئی۔
انہوں نے کہا کہ میرا دوبارہ شادی کا کوئی منصوبہ نہیں،تاہم اگر دوبارہ شادی کی تو میرا انتخاب میلنڈا ہی ہوں گی،مجےم اس بات کی خوشی ہے کہ میلنڈا فلاحی کاموں میں آج بھی میری ساتھی ہیں۔
