نئی دہلی: (ویب ڈیسک) بھارتی ریاست گجرات میں پل کا ایک حصہ ٹوٹ گیا، متعدد گاڑیاں دریا میں جا گریں۔
بھارتی خبر رساں ادارے کے مطابق ریسکیو آپریشن کے دوران اب تک دریا سے 10 لاشیں نکالی جا چکی ہیں اور صرف 3 کو بحفاظت نکالا جا سکا ہے۔
امدادی کام اب بھی جاری ہے اور ہلاکتوں میں اضافے کا خدشہ ظاہر کیا جا رہا ہے، اب تک لاپتا افراد کی تعداد کا بھی معلوم نہیں ہوسکا۔
عینی شاہدین کا کہنا ہے کہ دریا پر بنے اس پل میں دراڑیں پڑ گئی تھیں اور بارش کے بعد سے پل کی حالت مزید خراب تھی، پُل کی خستہ حالی سے متعلق متعدد بار شکایتیں جمع کرائی گئیں لیکن کہیں کوئی سنوائی نہیں ہوئی۔
وزیر اعلیٰ گجرات نے حادثے کی تحقیقات کا حکم دیدیا تاہم بھارت میں کرپشن اور اقربا پروری کے باعث ایسے کسی انکوائری کمیٹی کا کوئی نتیجہ نہیں نکلا ہے۔
