کانو: (ویب ڈیسک) نائجیریا میں سکیورٹی فورسز نے 45 ڈاکوؤں کو ہلاک کر دیا۔
عالمی میڈیا کی رپورٹ کے مطابق نائجیریا کی وسطی شمالی ریاست نائجر میں سکیورٹی فورسز نے مسلح ڈاکوؤں کے خلاف کارروائی کرتے ہوئے ڈاکوؤں کے گروہ کے 45 ارکان کو ہلاک کرنے کی اطلاع اقوام متحدہ کو فراہم کردہ ایک رپورٹ میں دی ہے۔
رپورٹ کے مطابق یہ کارروائی نائجیریا کے دیہی علاقوں میں پھیلنے والے ’’بینڈٹس‘‘ کے خلاف جاری فوجی مہم کا تازہ ترین واقعہ ہے، رپورٹ میں بتایا گیا کہ 22 جولائی کو بھی نائجیریا کی فوج نے اسی ریاست میں ایک فضائی اور زمینی حملے میں 95 مسلح افراد کو ہلاک کیا تھا، تازہ جھڑپ نائجر ریاست کے شیرورو ریجن کے گاؤں آبورو میں ہوئی۔
رپورٹ میں مزید بتایا گیا ہے کہ اس آپریشن کی بنیاد خفیہ اطلاعات تھیں جن میں ابورو کے علاقے میں ممکنہ حملے کی خبر دی گئی تھی، نائجیریا کی فوج نے اس بارے میں تبصرہ کرنے سے گریز کیا تاہم قومی نشریاتی ادارےاین ٹی اے نے آپریشن کی تصدیق کی ہے۔
