لاہور (دنیا نیوز ) جنوبی افریقہ کے سابق فاسٹ بائولر ڈیل سٹین نے کہا ہے کہ محمد عباس جلد دنیا کے نمبر ون بائولر بن جائیں گے۔ ایک انٹرویو میں ان کا کہنا تھا کہ محمد عباس میں ایک بڑا بائولر بننے کی تمام خوبیاں موجود ہیں۔
سابق برطانوی کپتان مائیکل وان اور پال کالنگ ووڈ بھی محمد عباس کی بائولنگ کے مداح ہوچکے ہیں۔ ان کا بھی کہنا ہے کہ محمد عباس نے اپنے دھواں دھار سپیل سے آسٹریلوی بیٹنگ کے قدم اکھڑ چکے ہیں اور پاکستانی ٹیم کی کامیابی میں ان کی بائولنگ کا اہم کردار ہوگا۔
