لاہور: (دنیا نیوز) ٹی 20 ویمن ورلڈ کپ ختم ہوتے ہی آئی سی سی نے ٹیم کا اعلان کر دیا، چیمپئن آسٹریلیا اور بھارت کی تین تین خواتین کھلاڑی شامل ہیں جبکہ پاکستان کی جویریہ خان کا نام بھی آ گیا.
ویسٹ انڈیز میں ہونے والا ویمن ورلڈکپ آسٹریلیا کے نام رہا، آسٹریلوی ٹیم نے روایتی حریف انگلینڈ کا ایک سو چھ رنز کا آسان ہدف دو وکٹ پر پورا کر کے چوتھی بار چیمپئن بننے کا اعزاز حاصل کیا۔ فاتح عالم آسٹریلیا کو آئی سی سی ٹیم میں نمائندگی کا بھی انعام مل گیا۔
آئی سی سی ویمن ٹیم میں آسٹریلیا اور بھارت کی تین، فائنلسٹ انگلینڈ کی دو جبکہ نیوزی لینڈ اور میزبان ویسٹ انڈیز کی ایک ایک کھلاڑی شامل ہیں۔ پاکستان سے جویریہ خان کا پہلی بار نام آ گیا، قومی ٹیم کو پہلے راؤنڈ میں ہارنے پر واپسی کا ٹکٹ مل گیا تھا۔
