سابق بالی ووڈ اداکارہ ثناء خان نے رسم مہندی کی نئی تصاویر شیئر کردیں

ممبئی: (ویب ڈیسک) ثناء خان اپنی حالیہ تصاویر میں سرخ جوڑا پہنے اور ہاتھوں پر مہندی لگائے نظر آ رہی ہیں، ان کی تصاویر دیکھتے ہی دیکھتے انٹرنیٹ پر وائرل ہو گئی ہیں۔

خیال رہے کہ ثناء خان نے شوبز کی دنیا کو خیرباد کہتے ہوئے گزشتہ دنوں ایک عالم دین مفتی انس سے شادی کر لی تھی۔ سرخ جوڑے میں ان کی حالیہ تصاویر کو ان کے مداح بہت پسند کر رہے ہیں۔

ثناء خان نے اس سے قبل ولیمہ کی تصویروں کو شیئر کیا تھا، جس کو لوگوں نے کافی پسند کیا تھا، اب انہوں نے اپنی مہندی کی تصویروں کو شیئر کیا ہے، جس میں وہ کافی خوبصورت نظر آ رہی ہیں۔

ثناء خان کی ان تصویروں کو صرف دو گھنٹے میں دو لاکھ سے زیاہ لائیکس مل چکے ہیں۔ صارفین انہیں نئی زندگی کی مبارکباد دے رہے ہیں۔

خیال رہے کہ ثناء خان نے اداکاری کی دنیا کو چھوڑنے کے بعد 21 نومبر کو نکاح کر لیا تھا۔ ان کے خاوند کا نام مفتی انس سید ہے۔ دونوں کا نکاح بھارتی شہر سورت میں ہوا جس میں خاندان کے افراد، عزیز واقارب اور قریبی دوستوں نے شرکت کی تھی۔

22 نومبر کو ثناء خان نے اپنے شوہر مفتی انس سید کے ساتھ اپنی پہلی تصویر شیئر کی جو دیکھتے ہی دیکھتے وائرل ہو گئی تھی۔ ان تصاویر میں ثناء خان سرخ رنگ کے دلہن کے لباس میں نظر آئیں تو وہیں ان کے شوہر سفید کرتا پائجامہ پہنے نظر آئے۔

ثناء خان نے اس تصویر کے ساتھ کیپشن میں لکھا ہے کہ اللہ کی خاطر ایک دوسرے سے پیار کیا، اللہ کی خاطر ایک دوسرے سے نکاح کیا، اللہ ہمیں اس دنیا میں ایک بنائے رکھے اور ہمیں جنت میں پھر سے ملائے۔

اس سے پہلے ثناء خان کی سفید رنگ کی ڈریس میں مفتی انس سید کے ساتھ ایک ویڈیو خوب وائرل ہوا جس میں وہ نکاح کا کیک کاٹتی بھی نظر آئیں۔