پشاور: (دنیا نیوز) سرکاری ملازموں کے احتجاج پر کے پی حکومت نے سرکاری ملازموں کی تنخواہوں میں اضافہ وفاقی بجٹ سے مشروط کردیا۔
صوبائی وزیر خزانہ نے کہا کہ وفاقی حکومت تنخواہوں میں جتنا اضافہ کرتی ہے اس مناسبت سے فیصلہ کیا جائے گا، ملازمین نے تنخواہوں میں اضافے اور دیگر مطالبات پیش کئے، وزیر خزانہ نے بتایاکہ مسئلے کو حل کرنے کیلئے کمیٹی تشکیل دے رہے ہیں۔
صوبائی وزیر خزانہ نے مزید بتایا کہ وزیراعلیٰ سے رابطہ ہوا ہے، کمیٹی تشکیل دی جارہی ہے، صوبائی حکومت نے تنخواہوں میں اضافہ کا فیصلہ کیا ہے، وفاق سے زیادہ تنخواہ دیں گے۔
