کوئٹہ: (دنیا نیوز) بلوچستان کے ضلع قلعہ عبداللہ سے گزشتہ رات اغواء کیے گئے 2 افراد کی لاشیں مل گئیں۔
لیویز حکام کے مطابق گلستان بازار سے گزشتہ رات اغواء کیے جانے والے 2 افراد کی لاشیں کاریز کے علاقے سے برآمد ہوئی ہیں۔
لیویز حکام نے بتایا ہے کہ دونوں مقتولین آپس میں کزن تھے جنہیں اغواء کے بعد تشدد کر کے قتل کیا گیا، اغواء اور قتل کا واقعہ 2 گروپوں میں دشمنی کے باعث پیش آیا جبکہ واقعے کی مزید تحقیقات جاری ہیں۔
