کوہستان: (دنیا نیوز) کوہستان کرپشن کیس میں نئے انکشافات ہوئے ہیں، بڑے نام بے نقاب ہوگئے، کنٹریکٹر محمد ایوب کو گرفتارکر لیاگیا۔
دوران تفتیش اعظم سواتی سمیت دیگر بااثر افراد سے ڈیلز کا انکشاف ہوا ہے، لگژری گاڑیاں، سونا، اربوں کی جائیدادیں، نیب نے کوہستان کرپشن سکینڈل انکوائری کو باضابطہ تحقیقات میں تبدیل کردیا۔
نیب کی کوہستان کرپشن کیس میں تہلکہ خیز کارروائی،25 ارب مالیت کے اثاثے برآمد اور منجمد کئے گئے، ایک ارب سے زائد نقد رقم، غیر ملکی کرنسی اور 3 کلو سونا ضبط کر لیا گیا، 73 بینک اکاؤنٹس منجمد کر دیئے گئے جن سے 5 ارب روپے کی رقم برآمد کی گئی۔
30 رہائشی گھر، 25 فلیٹس، 12 کمرشل پلازے، 12 دکانیں، 4 فارم ہاؤسز نیب نے قبضے میں لے لئے، ضبط کی گئی جائیدادوں میں پینٹ ہاؤسز اور 175 کنال زرعی اراضی بھی شامل ہے، کل 109 جائیدادیں راولپنڈی، اسلام آباد، پشاور، ایبٹ آباد اور مانسہرہ میں ضبط کی گئیں۔
ضبط شدہ املاک کی مجموعی مالیت 17 ارب روپے سے زائد بتائی گئی ہے۔
