گلگت بلتستان: (دنیا نیوز) گلگت بلتستان میں سیلابی ریلے سے تباہی مچ گئی۔
گلگت سے غذر اور دیا مر تک ہر چیز تہس نہس ہوگئی، کلاؤڈ برسٹ سے اب تک 9افراد جاں بحق ہوگئے، تھگ بابوسر میں بہت ساری گاڑیاں ریلے میں بہہ گئیں، سیلابی ریلوں سے واٹر چینل روڈ اور املاک کو شدید نقصان پہنچا۔
چیف سیکرٹری گلگت بلتستان کا کہنا ہے کہ علاقے میں ریسکیو آپریشن جاری رہا، دوبارہ بحالی کا کام جلد شروع کیا جائے گا، بابو سر ٹاپ حادثے میں لاپتہ 5 سالہ عبدالہادی کی لاش مل گئی، لودھراں کیلئے روانہ کردی گئی۔
ڈاکٹر مشعل فاطمہ اور فہد اسلام کی نماز جنازہ لودھراں میں ادا کر دی گئی اور انہیں مقامی قبرستان میں سپرد خاک کر دیا گیا، نماز جنازہ میں سیاسی و سماجی شخصیات سمیت شہریوں کی بڑی تعداد نے شرکت کی۔
چلاس کے علاقے تھور میں سیلاب میں دو بچے بہہ گئے، دیامر کے ضلع تانگیر میں شدید سیلاب سے بازار، پاور ہاؤس اور مواصلاتی نظام متاثر ہوا، ایڈیشنل ڈپٹی کمشنر اور اسسٹنٹ کمشنر کے دفاتر کو نقصان پہنچا، سیلابی پانی گھروں اور دکانوں میں داخل ہوگیا، کھیت اور قبرستان بھی زیر آب آگئے۔
