اسلام آباد: (دنیا نیوز) ارلی وارننگ سسٹمز اور نیٹ ورک کنیکٹویٹی پر تعاون اجلاس ہوا۔
وفاقی وزیر آئی ٹی و ٹیلی کام شزہ فاطمہ خواجہ اور وفاقی وزیر موسمیاتی تبدیلی مصدق ملک نے اجلاس کی مشترکہ صدارت کی۔
وزیرِاعظم شہباز شریف کی خصوصی ہدایت پر کولیبریشن میٹنگ منعقد ہوئی، اجلاس میں سیکرٹری آئی ٹی، سیکرٹری موسمیاتی تبدیلی، پاور ڈویژن شریک ہوئے۔
چیئرمین پی ٹی اے، چیف سیکرٹری جی بی، محکمہ موسمیات، میٹ ڈیپارٹمنٹ اور ایس سی او کے نمائندوں نے بھی اجلاس میں شرکت کی۔
اجلاس میں ارلی وارننگ سسٹمز اور نیٹ ورک کنیکٹویٹی سے متعلق چیلنجز کا تفصیلی جائزہ لیا گیا۔
اس موقع پر فیصلہ کیا گیا کہ انٹر ڈیپارٹمنٹل کوآرڈی نیشن کو مزید مؤثر بنایا جائے گا، اجلاس میں اداروں کے درمیان ڈیٹا شیئرنگ اور تکنیکی تعاون بڑھانے پر بھی اتفاق ہوا۔
