لاہور: (دنیا نیوز) غربت اور بے روزگاری سے پریشان شہری بجلی کے ہائی ٹرانسمیشن ٹاور پر چڑھ گیا۔
صوبائی دارالحکومت کے علاقے ماڈل ٹاؤن میں بے روزگاری کی وجہ سے گھر والوں اور بیوی کے طعنوں سے تنگ رکشہ ڈرائیور بجلی کے ہائی ٹرانسمیشن ٹاور پر چڑھ گیا، شہری کو اتارنے کے لیے پولیس اور ریسکیو ٹیمیں موقع پر پہنچ گئیں۔
پولیس اور ریسکیو ٹیموں کی جانب سے شہری کو اتارنے کے لئے ہر ممکن کوششیں کی اور آخر کار ان کی محنت رنگ لے آئی، وہ کئی گھنٹوں بعد شہری کو منانے میں کامیاب ہوگئے اور اسے نیچے اتار لیا۔
اس موقع پر رکشہ ڈرائیور کے اہل خانہ بھی موقع پر موجود ہیں اور وہ بھی اسے کھمبے سے نیچے اترنے پر راضی کرنے کی کوشش کررہے تھے۔
