حیدرآباد: (دنیا نیوز) ضلع جامشورو کوٹری سٹیشن کے قریب مال بردار ٹرین کا انجن ٹریک سے اتر گیا۔
ریلوے حکام کے مطابق ٹرینوں کے لئے ڈاؤن ٹریک مکمل بند کر دیا گیا، انجن کو دیگر گاڑیوں سے الگ کر کے بحالی کا کام جاری رہا، حیدرآباد سے کراچی جانے والی گاڑیوں کو حیددآباد سٹیشن پر روک دیا گیا، حادثہ کوٹری سٹیشن کے قریب پیش آیا۔
ریلوے حکام نے مزید بتایا کہ چار گھنٹے بعد ٹریک پر انجن کی بحالی کے لئے کرین نے کام شروع کر دیا تھا، خیبر میل ایکسپریس، زکریا ایکسپریس سمیت دیگر ٹرینز حیدرآباد سٹیشن پر موجود رہیں۔
