کراچی: (دنیا نیوز) شہر قائد میں ٹرک کے نیچے دب کر ایک شخص جاں بحق جبکہ دوسرا شدید زخمی ہوگیا۔
حادثہ شیرشاہ آٹا مل کے قریب پیش آیا، حادثے کی اطلاع پر پولیس کی بھاری نفری اور امدادی ٹیمیں بھی موقع پر پہنچ گئیں، جاں بحق ہونے والے شخص کی لاش اور زخمی کوفوری طور پر ہسپتال منتقل کردیا گیا جہاں پر زخمی شخص کی حالت تشویشناک بتائی گئی ہے۔
ریسکیو ذرائع کے مطابق جاں بحق شخص کی شناخت نظام اور زخمی کی زبیر کے نام سے ہوئی، پولیس نے ٹرک کو تحویل میں لے کر ڈرائیور کے خلاف کارروائی شروع کر دی۔
