نواب شاہ: (دنیا نیوز) تیز رفتار رکشہ اور موٹرسائیکل میں تصادم سے ماں بیٹا جاں بحق ہوگئے۔
افسوسناک حادثہ نواب شاہ میں لنک روڈ پر پیش آیا جہاں تیز رفتار رکشہ اور موٹرسائیکل میں خوفناک تصادم ہوگیا، حادثے میں موٹرسائیکل پر سوار ماں بیٹا موقع پر دم توڑ گئے جبکہ کمسن بچی شدید زخمی ہوگئی۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق افراد کی لاشوں اور زخمی بچی کو نواب شاہ ہسپتال منتقل کردیا گیا۔
پولیس ذرائع کے مطابق جاں بحق افراد مورو سے نواب شاہ شادی کی تقریب میں جا رہے تھے۔
