لندن : ( ویب ڈیسک ) انگلش ٹینس سٹار کیٹی بولٹر نے ورلڈ ٹینس ایسوسی ایشن ( ڈبلیو ٹی اے ) ناٹنگھم اوپن ٹینس ٹورنامنٹ کے سیمی فائنل کے لئے کوالیفائی کر لیا۔
فاتح ٹینس سٹار نے خواتین کے سنگلز مقابلوں کے کوارٹر فائنل میں دلچسپ مقابلے کے بعد ہم وطن کھلاڑی ہیریئٹ ڈارٹ کو شکست دی۔
کیٹی بولٹر نے ہیریئٹ ڈارٹ کو سٹریٹ سیٹس میں 6-3 اور 7-5 سے شکست دے کر پہلی بار ڈبلیو ٹی اے ایونٹ کے سیمی فائنل کیلئے کوالیفائی کیا۔
واضح رہے کہ انگلش ٹینس سٹار کیٹی بولٹر نے پہلی بار ڈبلیو ٹی اے ایونٹ کے سیمی فائنل کیلئے کوالیفائی کیا ہے اور اس حوالے سے ان کا کہنا تھا کہ میں نے یہاں تک پہنچنے کے لئے بہت محنت کی ہے۔
First Semifinal feels Good vibes only pic.twitter.com/P81kblRudg
— Katie Boulter (@katiecboulter) June 16, 2023
خیال رہے کہ ناٹنگھم اوپن ٹینس ٹورنامنٹ کے کانٹے دار مقابلوں کا سلسلہ انگلینڈ کے شہر ناٹنگھم میں جاری ہے جس میں شائقین ٹینس کو انتہائی دلچسپ اور سنسنی خیز مقابلے دیکھنے کو مل رہے ہیں۔
