لندن: (دنیا نیوز) میٹ پاویک اور لیوڈمیلا وکٹوریونا کیچینوک ومبلڈن اوپن ٹینس ڈبلز فائنل میں داخل ہو گئے ہیں۔
انگلینڈ کے دارالحکومت لندن میں رواں سال کے تیسرے گرینڈ سلام ومبلڈن اوپن ٹینس ٹورنامنٹ میں کانٹے دار مقابلے جاری ہیں۔
کروشین ٹینس سٹار میٹ پاویک اور ان کی یوکرین کی جوڑی دار لیوڈمیلا وکٹوریونا کیچینوک اپنی عمدہ کارکردگی کی بدولت رواں سال کے تیسرے گرینڈ سلام ومبلڈن اوپن ٹینس ٹورنامنٹ کے مکسڈ ڈبلز مقابلوں کے فائنل میں پہنچ گئے ہیں۔
انہوں نے مکسڈ ڈبلز سیمی فائنل میچ میں جونی اومارا اوران کی ہم وطن اولیویا نکولس پر مشتمل برطانوی جوڑی کو شکست دی۔
مکسڈ ڈبلز مقابلوں کے سیمی فائنل میچ میں کروشین ٹینس سٹار میٹ پاویک اور ان کی یوکرین کی جوڑی دار لیوڈمیلا وکٹوریونا کیچینوک نے عمدہ کھیل پیش کرتے ہوئے جونی اومارا اور ان کی ہم وطن جوڑی دار اولیویا نکولس پر مشتمل برطانوی جوڑی کو 6-7(6-8)،6-4 اور 3-6 سے شکست دیکر فائنل کے لئے کوالیفائی کر لیا۔
