شمکینٹ: (ویب ڈیسک ) قازقستان کے شہر شمکینٹ میں جاری ایشیائی شوٹنگ چیمپئن شپ میں نوعمر پاکستانی شوٹر مہر خالق نے شاندار ڈیبیو کیا۔
بہترین کارکردگی کی بنیاد پر پاکستانی شوٹر نے خواتین کے 10 میٹر ایئر رائفل ایونٹ میں 54 کھلاڑیوں میں سے ٹاپ 20 میں جگہ بنائی۔
مہر خالق نے مجموعی سکور 627.9 کے ساتھ 18ویں پوزیشن حاصل کی، اِن کی سیریز کا بریک ڈاؤن یوں رہا: 103.2، 104.1، 104.2، 105.1، 104.8، 106.5، یعنی کُل 627.9۔
قومی شوٹر کا اگلا ایونٹ 10 میٹر ایئر رائفل مکسڈ ٹیم ہے جس میں ان کے پارٹنر سلیمان خان ہوں گے۔
یاد رہے کہ اس ایونٹ میں صرف ٹاپ8 کھلاڑی ہی فائنل راؤنڈ تک پہنچ پاتے ہیں۔
