لاہور: (ویب ڈیسک) واٹس ایپ نے ویڈیو کالنگ کے مزید فیچر متعارف کرا دیئے۔ جس کے بعد کوئی بھی صارف اپنی ویڈیو کال میں 32 افراد کو شامل کر سکے گا۔
واٹس ایپ کی جانب سے پہلے ہی ویڈیو کالنگ میں افراد کی تعداد بڑھانے کا اعلان کیا گیا تھا لیکن اب اسے متعارف بھی کرا دیا گیا۔ 2020 میں واٹس ایپ نے ویڈیو کالنگ میں افراد کی تعداد بڑھاتے ہوئے اسے 8 تک کیا تھا۔
سال 2020 سے قبل واٹس ایپ کی ویڈیو کال پر بیک وقت صرف 4 افراد شامل ہو سکتے تھے۔ کورونا کے بعد اور دنیا بھر میں ’زوم‘ کی مقبولیت کی وجہ سے واٹس ایپ نے ویڈیو کالنگ فیچرز کو بہتر بنانے کا فیصلہ کیا تھا، نئی اپ ڈیٹ کے بعد اب بیک وقت 32 لوگ ایک ہی ویڈیو کال میں شامل ہو سکتے ہیں۔
ویڈیو کالنگ کیلئے ارکان کی تعداد بڑھانے کے ساتھ ساتھ کوالٹی کو بھی بہتر بنایا گیا ہے اور مزید فیچرز بھی پیش کیے گئے ہیں۔ صارفین ویڈیو کالنگ کے دوران آنے والے پیغامات کو بھی میوٹ کر سکیں گے۔
اسی طرح یہ فیچر بھی پیش کیا گیا ہے کہ گروپ ویڈیو کال کیلئے لنک بھی بنایا جا سکتا ہے اور باقی صارفین لنک کو کلک کرکے ویڈیو کال میں شامل بھی ہوسکتے ہیں۔
واٹس ایپ کے مذکورہ فیچرز زوم کی طرح ہی ہیں، تاہم اس کے باوجود لوگ آن لائن اجلاسوں اور میٹنگس کے لیے واٹس ایپ کے بجائے زوم کو ہی ترجیح دیتے ہیں۔
Now you can have up to people in one video call.
— WhatsApp (@WhatsApp) December 14, 2022
Getting to see 32 of your favorite faces in one call is the big family dream
Check out the other exciting updates to WhatsApp calls below pic.twitter.com/YVMYkVOr9F
