پیرس: (روزنامہ دنیا) فرانس کے شہر کان کے ایک علاقے میں گھر کی مالکن جب کئی ماہ بعد لوٹی تو یہ دیکھ کر خوف زدہ ہو گئی کہ گھر پر آلوؤں نے قبضہ جما رکھا ہے۔
میڈیا رپورٹ کے مطابق 22 سالہ لڑکی ڈونا پوری 3 ماہ گھر سے دور رہی، انہوں نے مارچ میں سپر مارکیٹ سے آلو خرید کر گھر میں رکھ دئیے تھے جب ملک میں لاک ڈاؤن کا اعلان ہوا تو اس نے سیلف آئسولیشن کا یہ وقت شہر کے دوسرے سرے پر رہائش پذیر دوست کے ساتھ گزارنے کا فیصلہ کیا۔
جب وہ تین ماہ بعد گھر لوٹ کر آئی تو دیکھا کہ فلیٹ اب اس کا نہیں رہا ہے اور آلوؤں نے وہاں پر ٹہنیاں نکال کر گھر پر قبضہ کر لیا تھا۔
