ممبئی(آن لائن)بھارت کے شہر ممبئی میں ایک چھوٹا چارٹرڈ طیارہ گر کر تباہ ہو گیا،جس کے نتیجے میں پائلٹ سمیت 5 افراد ہلاک ہوگئے ہیں۔
جمعرات کو بھارتی محکمہ دفاع کی جانب سے جاری کردہ تصدیقی بیان میں کہا گیا کہ ممبئی میں جوہو ایرو ڈروم سے اڑان بھرنے والا چارٹرڈ طیارہ سارووڈے نگر کے قریب لینڈنگ کے دوران حادثے کا شکار ہوا، جس کے نتیجے میں پائلٹ سمیت 5 افراد موقع پر ہی ہلاک ہو گئے ہیں، تعمیراتی سائٹ پر گرنے والے طیارے میں آگ لگ گئی، حادثے میں ہلاک ہونے والوں میں پائلٹ، 3 مسافر اور ایک راہگیر شامل ہے۔
بھارتی محکمہ دفاع کے مطابق حادثے کا شکار 12 نشستوں والا یہ طیارہ اتر پردیش حکومت کا تھا،جو 1995 سے استعمال کیا جا رہا تھا۔
