کوالالمپور: (ویب ڈیسک) عیدالاضحیٰ کی تعطیلات سے واپسی پر بس کو حادثہ پیش آنے سے 15 طلبہ جاں بحق جبکہ 33 زخمی ہوگئے۔
عالمی میڈیا کی رپورٹ کے مطابق افسوسناک حادثے میں ہونے والوں میں اکثریت یونیورسٹی کے طلبہ کی ہے، پولیس حکام نے مزید بتایا کہ بس نے پیچھے سے کار کو ٹکر مار دی جس کے بعد بس بے قابو ہو کر الٹ گئی اور کار کھائی میں جا گری۔
فائر اینڈ ریسکیو ڈیپارٹمنٹ کی جانب سے جاری کی گئی تصاویر میں ایک بس کو دائیں جانب الٹا ہوا اور پچھلا حصہ بری طرح تباہ شدہ دیکھا جاسکتا ہے، ریسکیو ٹیموں نے ہائیڈرالک کٹر کی مدد سے بس کے حصوں کو کاٹ کر مسافروں کو نکالا۔
افسوسناک حادثے میں سلطان ادریس ایجوکیشن یونیورسٹی کے 14 طلبہ اور ایک بس اٹینڈنٹ شامل ہے، زخمیوں میں سے 7 کی حالت نازک ہے اور انہیں ہسپتال منتقل کر دیا گیا، جاں بحق طلبہ کی عمریں 21 سے 23 سال کے درمیان ہیں۔
پولیس کا مزید کہنا ہے کہ حادثے کی مکمل تحقیقات کی جا رہی ہیں تاکہ معلوم کیا جا سکے کہ یہ انسانی غفلت تھی یا کوئی تکنیکی خرابی حادثے کی باعث بنی۔
خیال رہے کہ ملائیشیا میں ٹریفک حادثات کی شرح بہت زیادہ ہے، روزانہ اوسطاً 18 افراد سڑک حادثات میں ہلاک ہوتے ہیں، یہ حادثہ گزشتہ ایک دہائی کے دوران ملائیشیا کی سڑکوں پر پیش آنے والا سب سے ہلاکت خیز واقعہ ہے۔
