ہنوئی: (ویب ڈیسک) ویتنام کے وسطی صوبے ہاٹین میں بس کے حادثے میں 9 مسافر ہلاک اور 16 زخمی ہوگئے۔
عالمی میڈیا کی رپورٹ کے مطابق بس دارالحکومت ہنوئی سے ڈانانگ جا رہی تھی کہ جمعہ کی علی الصبح ایک بجکر 45 منٹ پر سڑک کے کنارے بنی رکاوٹ سے ٹکرا گئی۔
تمام زخمیوں کو ہسپتال منتقل کر دیا گیا، مقامی حکام کے مطابق حادثے میں ہلاک ہونے والوں کی عمریں چار سال سے 49 سال کے درمیان تھیں، ویتنامی حکومت کے قومی شماریات کے دفتر کے اعداد و شمار کے مطابق ملک میں ٹریفک حادثات عام ہیں۔
رواں سال کے پہلے چھ ماہ کے دوران سڑک کے حادثات میں 5,024 افراد ہلاک ہوئے۔
