اوکاڑہ: (دنیا نیوز) تیز رفتار کار اور ٹریکٹر میں تصادم سے 3 افراد جاں بحق جبکہ ایک شدید زخمی ہوگیا۔
افسوسناک حادثہ فیصل روڈ پر رنگ پور کے قریب پیش آیا جہاں تیز رفتار کار مخالف سمت سے آنیوالے ٹریکٹر سے ٹکراگئی حادثے میں کار میں سوار 3 افراد موقع پر دم توڑ گئے جبکہ ایک شخص شدید زخمی ہوگیا۔
حادثے کی اطلاع ملتے ہی پولیس اور ریسکیو ٹیمیں موقع پر پہنچ گئیں، جاں بحق افراد کی لاشوں اور زخمی شخص کو ہسپتال منتقل کردیا گیا۔
