لاہور: (ویب ڈیسک) ملک بھر میں فی تولہ سونے کی قیمت میں 200 روپے کی کمی ریکارڈ کی گئی۔
تفصیلات کے مطابق بین الاقوامی مارکیٹ میں فی اونس سونے کی قیمت میں 5 ڈالرز اضافے ریکارڈ کی گئی اور نئی قیمت 1666 ڈالرز فی اونس ہو گئی ہے۔
بین الاقوامی مارکیٹ میں قیمتیں بڑھنے کے برعکس ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی، سکھر، فیصل آباد سمیت دیگر جگہوں پر فی تولہ سونے کی قیمت میں 200 روپے کی کمی ریکارڈ کی گئی اور نئی قیمت ایک لاکھ 46 ہزار 300 روپے ہو گئی ہے۔
اُدھر 10 گرام سونے کا بھاؤ 171 روپے کمی کے بعد ایک لاکھ 25 ہزار 429 روپے ہے۔
