کراچی: (دنیا نیوز) سابق کرکٹر شاہد آفریدی نے گزشتہ دنوں سے وائرل ہونے والی مبینہ نسوار ڈالنے کی ویڈیو پر وضاحت دے دی۔ شاہد آفریدی نے صحافی کو بھی لونگ اور سونف کھانے کا مشورہ دے دیا۔
یوم دفاع و شہدا کی تقریب کے دوران شاہد آفریدی کو کیمرے کی آنکھ نے مبینہ طور پر نسوار ڈالتے رنگے ہاتھوں پکڑ لیا تھا جس کے بعد سے وہ ویڈیو تیزی سے وائرل ہوئی اور اس پر طرح طرح کے لطیفے بنائے گئے تھے۔ لیکن اب خود بوم بوم آفریدی نے اس معاملے کی وضاحت دے دی ہے۔
شاہد آفریدی سے تقریب میں شرکت کے بعد صحافی نے اس حوالے سے سوال کیا تو انہوں نے بتایا کہ وہ نسوار نہیں تھی بلکہ لونگ اور سونف کی خوشبو کے لیے استعمال کرتا ہوں۔
شاہد آفریدی کی وضاحت
— Atiq-ur-Rehman (@Atiqdost73) September 8, 2018
نسوار نہیں کھائی جو کھائی وہ خود ہی دیکھ لیں
سونف اور خوشبو کا مزا pic.twitter.com/ZD02CnY4sq
انہوں نے کہا کہ اگر کسی کو لونگ اور سونف کا مزہ لینا ہے تو میرے پاس یہ موجود ہے جب کہ اس دوران شاہد آفریدی نے سوال کرنے والے صحافی کو بھی وہی لونگ اور سونف کی خوشبو والا سفوف سونگھوا کر بھی تصدیق کرائی۔
