لاہور (دنیا نیوز ) محمد عباس 12 سال بعد ٹیسٹ میچ میں دس وکٹیں اڑانے والے پہلے پاکستانی باؤلر بن گئے، انہوں نے کیرئیر میں پہلی بار یہ کارنامہ سر انجام دیا ہے، محمد عباس نے کاری وار کر کے ابو ظہبی ٹیسٹ میں کینگروز کو نڈھال کر دیا۔
گیند باز نے یو اے ای کے صحرائی میدان پر وکٹوں کی جھڑی لگا دی۔ چوتھے روز پہلے سیشن میں ہی چار شکار کئے، محمد عباس نے پہلی اننگز میں بھی پانچ آسٹریلوی بلے بازوں کو ٹھکانے لگایا تھا۔ فاسٹ باؤلر نے کیرئیر میں پہلی بار دس وکٹیں لیں۔
مین آف دی سیریز محمد عباس نے دو میچوں کی سیریز میں سترہ حریف بلے باز وں کو میدان بدر کیا۔
