لاڑکانہ: (دنیا نیوز) بقاپور کے علاقے میں مبینہ پولیس مقابلہ ہوا، ڈاکو کو زخمی حالت میں گرفتار کر کے اسلحہ برآمد کر لیا گیا۔
ایس ایس پی احمد فیصل چودھری نے بتایا کہ گشت پر معمور پولیس ا۔لکاروں اور ڈاکوؤں کے درمیاں فائرنگ کا تبادلہ ہوا، دو طرفہ فائرنگ کے نتیجے میں ڈاکو زخمی حالت میں پکڑا گیا، ڈاکو کی شناخت ضلع شکارپور کے علاقے مدیجی کے رہائشی قدیر منگی کے نام سے ہوئی ہے۔
احمد فیصل چودھری کا کہنا تھا کہ ڈاکو قدیر کے دیگر ساتھیوں کی گرفتاری کے لئے علاقے میں سرچ آپریشن شروع کر دیا گیا، گرفتار ڈاکو قدیر سنگین نوعیت کے 10 سے زائد مقدمات میں مطلوب تھا، زخمی ڈاکو کو ابتدائی طبی امداد کے لئے ہسپتال منتقل کردیا گیا۔
