کراچی: (دنیا نیوز) کراچی کے علاقے گلستان جوہر میں نامعلوم افراد نے گھر میں داخل ہوکر ماں اور بیٹی کو یرغمال بنا کر 3 کروڑ 25 لاکھ سے زائد مالیت کا سونا، سعودی ریال و نقدی لوٹ لی۔
متاثرہ شہری وقاص نے بتایا کہ وہ گلستان جوہر بلاک 15 کا رہائشی ہوں، میں کام پر گیا ہوا تھا جبکہ اہلیہ اور بیٹی گھر پر اکیلے تھے کہ اس دوران 2 ملزموں نے گھر میں داخل ہو کر اہلخانہ کو یرغمال بنا کر تشدد کا نشانہ بنایا اور انہیں باندھ کر گھر کی تلاش کے دوران تقریبا ً79 تولہ سونا، سعودی ریال اور نقدی لوٹ کر فرار ہوگئے۔
انہوں نے مزید بتایا کہ وہ سعودی عرب سے حال ہی میں کراچی منتقل ہوئے تھے، گھر میں موجود سونا ان کی والدہ اور بھائیوں کا بھی تھا۔
شہری نے اعلیٰ حکام سے مطالبہ کیا ہے کہ وہ واردات میں ملوث ڈاکوؤں کا سراغ لگا کر لوٹا گیا سونا، نقدی اور سعودی ریال برآمد کرائے جائیں تاہم گلستان جوہر اس حوالے سے مزید تحقیقات کر رہی ہے۔
