اسلام آباد: (روزنامہ دنیا) اردو فلم ’’سچ‘‘ آج ملک بھر کے سینما گھروں میں نمائش کے لئے پیش کی جائے گی۔ فلم کو پاکستانی نژاد برطانوی سیاستدان تسمینہ شیخ نے پروڈیوس کیا ہے۔
میڈیا رپورٹ کے مطابق فلم کی کاسٹ میں جاوید شیخ، اسد زمان خان، علیزے شیخ، فضیلہ قاضی، تسمینہ شیخ اور عظمیٰ گیلانی شامل ہیں۔ تسمینہ شیخ کے شوہر اور فلم کے ہدایت کار ذوالفقار شیخ کا کہنا ہے کہ کوشش کی ہے کہ فلم شائقین کو پسند آ جائے، اچھی فلمیں بنانے سے ہی فلم انڈسٹری کو ترقی دی جا سکتی ہے۔
واضح رہے کہ فلم کے مکالمے معروف پاکستانی ڈرامہ نگار حسینہ معین نے لکھے ہیں۔
