اوکاڑہ: (دنیا نیوز) رینالہ خورد میں ٹیوب ویل کے کنویں سے پانی نکالتے ہوئے 4 افراد کنویں میں گرکر جاں بحق ہوگئے ۔
افسوسناک حادثہ رینالہ خورد کے علاقے لئی بالا میں پیش آیا جہاں ٹیوب ویل کے کنویں سے پانی نکالتے ہوئے 3 افراد کنویں میں گرگئے چوتھا شخص انکو بچانے کیلئے کنویں میں اترا مگر اکسیجن کی کمی کے باعث چاروں افراد دم توڑ گئے۔
واقعے کے بعد مقامی لوگوں نے اپنی مدد آپ کے تحت فوری طور پر امدادی کارروائیاں شروع کیں اور اپنی کوششوں سے لاشوں کو کنویں سے باہر نکال لیا تاہم بدقسمتی سے کسی کی جان نہ بچائی جا سکی۔
ذرائع کے مطابق جاں بحق ہونیوالوں کی شناخت شکیل، محمد عمران اور یاسر کے ناموں سے ہوئی۔
