اسلام آباد: (دنیا نیوز) پاکستان میڈیکل اینڈ ڈینٹل کونسل نے حکومت کی مقررہ فیسوں پر عمل درآمد نہ کرنے والے نجی میڈیکل کالجز کے خلاف قانونی کارروائی کا اعلان کردیا۔
پی ایم ڈی سی نے حکم دیا ہے کہ تمام نجی میڈیکل کالج اپنی ویب سائٹس پر جاری کیے گئے من مانے فیس سٹرکچر ختم کرکے ایم بی بی ایس اور بی ڈی ایس کیلئے وفاقی حکومت کا منظور کردہ فیس سٹرکچر جاری کریں ورنہ اکریڈیشن معطل کردی جائے گی۔
کونسل کا کہنا ہے کہ حکومت کی مقررہ فیسوں پر عمل درآمد نہ کرنے والے نجی میڈیکل کالجز کے خلاف قانونی کارروائی کا اعلان بھی کیا گیا ہے۔
