بارسلونا نے اسپینش فٹ بال لیگ لالیگا کا ٹائٹل جیت لیا

Published On 15 May,2023 11:12 am

سپین : (ویب ڈیسک ) بارسلونا نے حریف ٹیم اسپانیول کو ہوم گراؤنڈ پر چار دو سے ہرا دے کر اسپینش لیگ لالیگا کا ٹائٹل جیت لیا۔

بارسلونا نے 27 ویں مرتبہ اسپینش لیگ لالیگا کا ٹائٹل اپنے نام کیا ہے ، بارسلونا نے ہوم ٹیم کے خلاف ابتدائی بیس منٹ میں دو گول کی برتری حاصل کی، پہلے ہاف سے قبل ہی لیوان ڈاؤسکی نےاپنا دوسرا گول بھی داغ دیا۔

دوسرے ہاف میں بارسلونا کے کندے نے 53 ویں منٹ میں گول بنا کر اسکور چار صفر کر دیا ، اس کے بعد اسپانیول نے خسارہ کم کیا اور دو گول بنائے لیکن میچ بارسلونا نے دو کے مقابلے میں چار گول سے جیت کر 2019 کے بعد ٹائٹل اپنے نام کرلیا۔