شنگھائی: (روزنامہ دنیا) چین میں 3ٹن مچھلیوں سے لدا بھاری بھرکم ٹرک اُلٹ گیا اور ہر طرف مچھلیاں بکھر گئیں۔ یہ واقعہ چین کے صوبے ژی جیانگ کی ہائی وے پر پیش آیا۔
میڈیا رپورٹ کے مطابق ہائی وے پر محو سفر تیز رفتار ٹرک کا اچانک ٹائر پھٹ گیا اور بیچ سڑک پر اُلٹ گیا۔ ٹرک اُلٹنے کے باعث سڑک پر ہر طرف مچھلیاں بکھر گئیں جبکہ حادثے میں ڈرائیور بالکل محفوظ رہا۔
سڑک پر ہرطرف مچھلیاں بکھرنے سے ٹریفک معطل ہو گئی اور یوں لگ رہا تھا کہ ہائی وے اچانک سمندر یا دریا میں اتر گئی ہو جہاں مچھلیاں ہی مچھلیاں موجود ہیں۔ کئی گھنٹوں کی کوششوں کو بعد ہائی وے کو ٹریفک کیلئے بحال کیا جا سکا تاہم گاڑیوں میں لوگ بہت محظوظ ہوتے رہے۔
