واشنگٹن: (دنیا نیوز) ترجمان امریکی محکمہ خارجہ کا کہنا ہے کہ پاکستان اور بھارت مسائل بات چیت کے ذریعے حل کریں۔
ترجمان امریکی محکمہ خارجہ ٹیمی بروس نے پریس کانفرنس کرتے ہوئے بھارت کی جانب سے سندھ طاس معاہدہ معطل کرنے کے سوال پر جواب میں کہا ہم دونوں ممالک کی حوصلہ افزائی کرتے ہیں، مسائل کو حل کرنے کیلئے دونوں ممالک براہ راست رابطے میں رہیں۔
ٹمی بروس کا کہنا تھاکہ شام کی کشیدہ صورتحال کی مذمت کرتے ہیں، اسرائیلی حملوں کی حمایت نہیں کرتے، امید کرتے ہیں شام کی صورتحال آج رات تک معمول پر آجائے گی، کشیدگی میں ملوث تمام فریقین کو کہتے ہیں تشدد سے پرہیز کریں۔
امریکی محکمہ کی ترجمان کا مزید کہنا تھا کہ شام میں جنگ بندی کیلئے امریکا سفارتی کوششوں میں مصروف ہے، شام میں کشیدگی کی بڑی وجہ دو قبیلوں کی پرانی دشمنی ہے۔
