کراچی: (دنیا نیوز) شہر قائد میں نیشنل سائبرکرائم انویسٹی گیشن ایجنسی کی بڑی کارروائی، کارروائی 9 اکتوبر 2025 کو انٹیلی جنس بنیادوں پر کی گئی۔
کارروائی دیگرخفیہ اداروں کے تعاون سےعمل میں لائی گئی، بھارتی خفیہ ایجنسی را کے نیٹ ورک کے خلاف بڑا آپریشن کرتے ہوئے 2 مشتبہ افراد کو نشاندہی کے بعد گرفتار کر لیا گیا۔
گرفتار افراد حساس تنصیبات کی معلومات سوشل میڈیا کے ذریعے منتقل کر رہے تھے، ملزمان سے موبائل فون اور مالی لین دین کے شواہد برآمد ہوگئے۔
فرانزک جانچ کے دوران مزید ثبوت حاصل کر لیے گئے، مزید نیٹ ورک ممبران اور غیر ملکی روابط کی تلاش جاری ہے، گرفتار افراد کے خلاف پیکا اور پاکستان پینل کوڈ کی دفعات کے تحت مقدمات درج کر لئے گئے۔
